21 лютага ў Беларусі святкавалі Дзень роднай мовы. З нагоды гэтага свята ў школе №26 Гродзенскі гарадскі камітэт грамадскага аб’яднання “БРСМ” ініцыіраваў акцыю па напісанню асаблівай дыктоўкі. Магчымасць далучыцца да роднага слова праз агульнанацыянальную дыктоўку атрымалі настаўнікі, вучні, бацькі і госці. Прысутныя былі аб’яднаныя адзінай мэтай – разам з мовай адчуць пачуццё годнасці і духоўнай згуртаванасці, што вельмі важна ў Год народнага адзінства.

 

 

 

Напісаць беларускі тэкст прыехалі таксама старшыня камісіі па гераічна-патрыятычным выхаванні моладзі савета ветэранаў Кастрычніцкага раёна Гродна Ірына Галайда і першы сакратар Гродзенскага гарадскога камітэта Пётр Касіцкі.

 

У знак павагі і прызнання ўдзельнікі акцыі абмяняліся чырвонымі сардэчкамі. Па выніках дыктоўкі выдатнікі атрымалі ў падарунак ад першага сакратара Гродзенскага гарадскога камітэта Пятра Касіцкага фотаальбом “Па Нёману, Віліі, Шчары…”.

 

https://grodnonews.by/news/lifestyle/shanuem_movu_razam_u_grodzenskay_shkole_adznachyli_dzen_rodnay_movy_i_napisali_dykto_ku.html